1.आपल्या महाराष्ट्रात देवी देवतांची अनेक प्रसिद्ध मंदिरे आहेत, त्यामध्ये साडे तीन 

शक्तीपीठे आहेत. त्यापैकी कोल्हापुरची आंबाबाई, तुळजापुरची तुळजाभवानी, 

माहुरची रेणुकामाता तसेच अर्धपीठामध्ये नाशिकची सप्तश्रृंगीमाता अशी 

साडोतीन शक्तीपीठे आहेत. त्यातील माहुरगडाच्या रेणुकामातेचा अवतार (अंश) 

म्हणुन कार्ला येथील एकविरा मातेचे स्थान प्रसिद्ध आहे, हे स्थान कार्ल्याच्या 

डोंगरावर एका अखंड शिलेत प्रकट झालेले आहे.

2.श्री एकविरा देवीचे स्थान हे फार पुरातन म्हणजे कार्ला लेणीच्या अगोदरचे असुन 

स्वयंभु आहे म्हणजेच लेणीच्या अगोदर ते पांडवकालीन म्हणुन प्रसिद्ध आहे. 

मंदिराच्या बाजुला बौद्ध कोरीव लेणी आहे. काही ग्रंथांमध्ये श्री एकविरा हे 

एकनाथाची कुलस्वामिनी होती. पुराणात जामदासी ऋषिंची पत्नी रेणुका हीला पाच 

पुत्र होते. त्यातील एक शुरवीर पराक्रमी असा परशुराम होता, त्यामुळे तिला 

परशुरामाची माता एकविरा असे अख्यायतेत आहे. श्री एकविरा ही स्वयंभु 

पाषाणातुन प्रकट झालेली असुन तिचे मुख उत्तरेला आहे. तिला शेंदुर आवडतो, 

त्यामुळे तिचा देह शेंदुरचर्चित आहे व जलदेविता म्हणुन ज्यांचा पाण्याशी संबंध 

येतात अशा कोळी, आग्री यांना पावणारी एकविरा म्हणुन प्रसिद्ध आहे तसेच श्रद्धा 

असणा-या सर्व भाविक भक्तांच्या नवसाला पावणारी म्हणुन प्रसिद्ध आहे.

3.दरवर्षी चैत्र व आश्विन महिन्यामध्ये देवीची यात्रा भरते. चैत्र महिन्यातील चैत्र शु. 

प्रतिपदेपासुन म्हणजेच गुढीपाडव्यापासुन यात्रेला प्रारंभ होतो व चैत्र शु. सप्तमीला 

श्री एकविरा मातेचा मोठा पालखी सोहळा महाराष्ट्रातील लाखो भाविकांच्या 

उपस्थितीत गडावर संपन्न होतो. हा सोहळा खुप अविस्मरणीय असतो. या 

सोहळ्यासाठी महाराष्ट्रातील सर्व समाजातील लाखो भाविक गडावर येतात व 

सोहळ्याचा आनंद घेतात. 

4.देवीच्या डोंगराच्या पायथ्यापासुन २ ते ३ किमी अंतरावर देवघर म्हणुन एक गाव 

असुन त्याला देवीचे माहेरघर म्हणतात. कारण तिचा भाऊ श्री काळभैरव यांचे 

भव्य देवालय या ठीकाणी आहे. तेथे चैत्र शु. षष्टीला देवाची पालखी निघते, त्या 

दिवशी तेथे मोठी यात्रा भरते.